ڈالر کی فراہمی بڑھانے کیلئے اسٹیٹ بینک نے منی چینجرز کو بیرون ملک سے ڈالر کیش کی صورت منگوانے کی اجازت دے دی۔
اسٹیٹ بینک نے ایکسچینج کمپنیز مینول میں ترمیم کا سرکلر لیٹر نمبر گیارہ جاری کردیا ہے۔
سرکلر کے مطابق منی چینجرز غیرملکی کرنسیز ایکسپورٹ کے عوض کیش ڈالر درآمد کرسکیں گے۔
ایکسچینج کمپنیز کو برآمد کردہ کرنسیز کی مالیت کا پچاس فیصد نقد ڈالر میں درآمد کی اجازت ہوگی۔
برآمد کردہ کرنسیز کا باقی پچاس فیصد بینکوں میں ایکسچینج کمپنیز کے فارن کرنسی اکاؤنٹ میں لانا ہوگا۔
منی چینجرز کو کیش ڈالر درآمد کرنے کی اجازت اکتیس دسمبر تک دی گئی ہے۔
ڈالر کیش کی صورت میں بحرین، سنگاپور اور دبئی سے بذریعہ کارگو سیکیورٹیز کمپنیز درآمد ہوں گے۔
