سائفر کو عوامی جلسے میں لہرانے کی تحقیقات کرنے والی ایف آئی اے کی جوائنٹ انویسٹی گیشن ٹیم (جے آئی ٹی) نے چیئرمین پی ٹی آئی کو دوبارہ طلب کرلیا۔

سائفر معاملے کی تحقیقات اور عوامی اجتماع میں سائفر لہرانے کے کیس میں ایف آئی کی مشترکہ انکوائری ٹیم نے چئیرمین پی ٹی آئی کو دوبارہ طلب کرلیا ہے، اور اس حوالے سے نوٹس بھی جاری کردیا گیا ہے۔

ایف آئی اے کے نوٹس کے مطابق چیئرمین پی ٹی آئی کو یکم اگست کو دن 12 بجے طلب کیا گیا ہے، اور کہا گیا ہے کہ گزشتہ پیشی پرچیئرمین پی ٹی آئی نے اپنا بیان ریکارڈ کرایا تھا، بیان کی روشنی میں ان سے مزید پوچھ گچھ کرنی ہے۔

نوٹس میں چئیرمین پی ٹی آئی کو متعلقہ دستاویزات ساتھ لانے کی ہدایت کرتے ہوئے یہ بھی واضح کیا گیا ہے کہ اگر وہ پیش نہ ہوئے تو ان کے خلاف قانونی کارروائی کی جائے گی۔