پاکستان فیشن انڈسٹری سے تعلق رکھنے والی مقبول ماڈل اقراء فیض نے پاکستانی اداکارہ ہانیہ عامر کو اب تک کی سب سے زیادہ اوور ریٹڈ اداکارہ قرار دیا ہے۔

حال ہی میں ایک انٹرویو میں اقراء فیض نے شرکت کی تھی جس کی ویڈیو سوشل میڈیا پر وائرل ہورہی ہے۔

دئیے گئے انٹرویو میں اقراء نے اداکاروں سے متعلق اپنی آراء پیش کی ہیں۔

وائرل ویڈیو میں دیکھا جاسکتا ہے کہ میزبان نے ماڈل سے سوال میں پاکستان کی اوور ریٹڈ اداکارہ کے بارے میں پوچھا ہے جس کا جواب دیتے ہوئے اقراء نے کہا کہ وہ ہانیہ کے خلاف نہیں ہیں مگر ان کے مطابق ہانیہ عامر انڈسٹری کی سب سے اوور ریٹڈ اداکارہ ہیں۔

انہوں نے مزید کہا کہ یمنیٰ زیدی ایک باصلاحیت اداکارہ ہونے کی وجہ سے مشہور ہیں لیکن ہانیہ عامر کی اداکاری ان کی شہرت کے مقابلے کم ہے۔