اتر پردیش کے مظفر نگر میں ایک خاتون کو اس کے شوہر کی پہلی بیوی اور کچھ دیگر خواتین نے بے رحمی سے پیٹ ڈالا۔
انڈیا ٹوڈے میں شائع رپورٹ کے مطابق واقعہ ٖڈاکٹر قاسم علی کے کلینک میں پیش آیا جس نے دونوں خواتین سے شادی کی تھی۔
قاسم علی کی پہلی بیوی عائشہ خواتین کے ایک گروپ کے ساتھ کلینک پہنچی اور دوسری بیوی فرح انجم کو تشدد کا نشانہ بنایا۔ اس تشدد کو کلینک میں نصب سی سی ٹی وی کیمرے نے محفوظ کرلیا۔
سی سی ٹی وی فوٹیج میں خواتین کے ایک گروپ کو فرح انجم نامی خاتون کو لاٹھیوں سے بے رحمی کے ساتھ پیٹتے ہوئے دکھایا گیا تھا۔
مقامی افراد یہ ہنگامہ آرائی دیکھ کر مدد کے لیے پہنچے اور فرح کو قریبی اسپتال پہنچایا ۔
بعد ازاں فرح انجم سی سی ٹی وی کلپ لے کر مقامی تھانے پہنچیں اور اپنے شوہر قاسم علی، ان کی پہلی بیوی عائشہ اور ان کی دوستوں فرزانہ، گلشن، نعمانہ، صائمہ، سمرن اور نویسا کے خلاف شکایت درج کرائی۔
افسر ونئے کمار گوتم نے بتایا کہ ابھی تک کوئی گرفتاری نہیں کی گئی تاہم پولیس نے شکایت درج کرلی ہے۔
