کراچی کے علاقے کورنگی میں مستونگ سے کراچی آنےوالے دو بھائیوں کو جعلی پولیس مقابلے میں زخمی کرنے کا مقدمہ درج کرلیا گیا۔
دو بھائیوں کو زخمی کرنے پر ایس ایچ او الفلاح سمیت تین پولیس اہلکاروں کے خلاف مقدمہ درج کیا گیا ہے۔
واضح رہے کہ گزشتہ دنوں الفلاح پولیس نے نوجوان فہیم اور نور محمد کو جعلی مقابلے میں زخمی کیا تھا۔
دونوں نوجوان مستونگ سے کراچی اپنے ماموں کے گھر آئے تھے جنہیں پولیس کی جانب سے حراست میں لینے کی ویڈیو منظر عام پر آئی تھی۔
