لاہور ہائی کورٹ نے پسند کی شادی کرنے والی رمشا کی استدعا پر والدین کے ہمراہ جانے کی اجازت دے دی۔
جسٹس ساجد محمود سیٹھی نے پسند کی شادی کرنے والی رمشا کی بازیابی کیلئے چینوٹ کے رہائشی دانش کی درخواست پر سماعت کی۔
رمشا نے عدالت میں کہا کہ والدین کے ساتھ جانا چاہتی ہوں، شوہر کے ساتھ نہیں رہنا چاہتی، جس پر عدالت نے لڑکی کے بیان کی روشنی میں اسے والدین کے ساتھ جانے کی اجازت دے دی۔
دوسری جانب درخواست گزار نے مؤقف اپنایا کہ یوی کو سسرالیوں نے زبردستی اغوا کر رکھا ہے، لہٰذا عدالت بیوی کو بازیاب کروا کر شوہر کے ساتھ جانے کی اجازت دے۔
