سیکرٹری الیکشن کمیشن کا کہنا ہے کہ اسلام آباد کے بلدیاتی انتخابات کے حوالے سے تمام تیاریاں مکمل کرلی ہیں، کمیشن کو مخصوص نشستوں کی تعداد کا نوٹیفکیشن درکار ہے۔
اسلام آباد میں بلدیاتی انتخابات کے انعقاد کے معاملے پر ہونے والے اجلاس کی صدارت الیکشن کمیشن کے ممبر سندھ نثار احمد درانی نے کی۔
سیکرٹری الیکشن کمیشن نے بتایا کہ اسلام آباد کے بلدیاتی انتخابات کے حوالے سے تمام تیاریاں مکمل کرلی ہیں، کمیشن کو مخصوص نشستوں کی تعداد کا نوٹیفکیشن درکار ہے، لوکل گورنمنٹ ایکٹ کے سیکشن 17 میں ترمیم کی ضرورت ہے۔
یہ بھی پڑھیں:
الیکشن کمیشن بتائے 125 یونین کونسلز میں انتخابات کیلئے کتنا وقت درکارہوگا؟ عدالت
اسلام آباد بلدیاتی انتخابات: الیکشن کمیشن سمیت تمام فریقین کو نوٹسجاری
پنجاب، اسلام آباد میں بلدیاتی انتخابات: الیکشن کمیشن کے 2 علیحدہعلیحدہ اجلاس طلب
سیکریٹری داخلہ نے بتایا کہ امیدواروں کے لیے انتخابی اخراجات کی حد مقرر کی جاچکی ہے، مخصوص نشستوں کی تعداد کے نوٹیفکیشن کے لیے سمری تیار کی گئی ہے، بلدیاتی انتخابات کے سیکشن 17 میں مطلوبہ ترمیم کی سمری کابینہ کو بھجوائی گئی ہے تاکہ سمری پر ضروری قانون سازی کی جائے۔
سیکریٹری داخلہ نے مزید بتایا کہ کہ قانون سازی کرنا پارلیمنٹ کا استحقاق ہے، قانون سازی ہونے کے بعد الیکشن کمیشن کو مطلوبہ ترامیم فراہم کر دی جائے گی۔
الیکشن کمیشن نے کہا کہ وزارت داخلہ آج ہی تحریری طور پر اپنے مؤقف سے آگاہ کرے گا، اگلے ہفتے کمیشن کا دوبارہ اجلاس منعقد کرنے کا فیصلہ کیا گیا ہے۔
دوسری جانب الیکشن کمیشن نے ڈیجیٹل مردم شماری کے حوالے سے لیگل ٹیم سے بریفنگ مانگ لی۔
چیف الیکشن کمشنر سکندر سلطان راجہ کی زیر صدارت اجلاس ہوا جس میں ممبران الیکشن کمیشن، سیکرٹری الیکشن کمیشن، سپیشل سیکرٹری الیکشن کمیشن اور لیگل ٹیم نے شرکت کی۔
جاری اعلامیے کے مطابق الیکشن کمیشن نے ڈیجیٹل مردم شماری کے حوالے سے لیگل ٹیم کو بریفنگ کی ہدایت کرتے ہوئے کل دوبارہ اجلاس طلب کرلیا۔
اعلامیے کے مطابق الیکشن کمیشن کی اسکروٹنی کمیٹی 10 دن کے اندر سیاسی جماعتوں کی فارن فنڈنگ سے متعلق اپنی اسکروٹنی رپورٹ پیش کرے گی۔
ذرائع کے مطابق کل دوبارہ ہونے والے اجلاس میں چیئرمین پی ٹی آئی کے خلاف عدالتی فیصلے کے بعد ان کے پارٹی عہدے سے ہٹائے جانے کے طریقہ کار پر مشاورت متوقع ہے۔
