کراچی کےعلاقے لیاری میں رینجرز کی چوکی پر فائرنگ سے ایک رینجرز اہلکار لائنس نائیک دلشاد شہید ہوگیا جبکہ وزیراعلیٰ سندھ مراد علی شاہ نے واقعے کا نوٹس لے لیا۔

کراچی میں لیاری بہاری کالونی الفلاح چوکی کے قریب فائرنگ سے رینجرز اہلکار شہید ہوگیا، اہلکار کی شناخت 35 سالہ لائنس نائیک دلشاد کے نام سے کی گئی۔

ترجمان سندھ رینجرز کے مطابق اسنیپ چیکنگ کے دوران مشتبہ موٹرسائیکل کو روکنے پر ملزمان نے فائرنگ کی، رینجرز کی جانب سے واقعہ میں ملوث ملزمان کی تلاش جاری ہیں جبکہ ملزمان کی گرفتاری کے لیے ٹیمیں بھی تشکیل دے دی گئی۔

دوسری جانب وزیراعلیٰ سندھ مراد علی شاہ نے واقعے نوٹس لیتے ہوئے آئی جی پولیس سے رپورٹ طلب کرلی۔

وزیراعلیٰ سندھ نے رینجرز اہلکار کی شہادت پر گہرے دکھ کا اظہار کیا اور آئی جی کو قاتلوں کی فوری گرفتار کی ہدایت دی۔