دنیا کے معروف سرچ انجن گوگل نے پاکستان کے 76 ویں یومِ آزادی کی خوشی میں اپنا ڈوڈل تبدیل کردیا ہے۔

گوگل دنیا میں منائے جانے والے مختلف ثقافتی اور سماجی تہواروں کے موقع پر اپنے ڈوڈل کو منفرانداز میں پیش کرتا ہے، یوم آزادی کے موقع پر بھی ڈوڈل کا نیا ڈیرائن سامنے آیا۔

یوم آزادی پر ڈوڈل آرٹ ورک میں دانتوں والی ”انڈس ڈولفن“ کو دکھایا گیا ہے، جو دریائے سندھ میں پائی جاتی ہے، اسے دریائے سندھ کی ’’ڈولفن‘‘ کہا جاتا ہے۔

خاص بات یہ ہے کہ جینیاتی طور پر انڈس ڈولفن نابینا نہیں ہوتی بلکہ ایک اندازے کے مطابق دریاؤں میں بڑھنے والی آلودگی اس کے نابینا ہونے کی بڑی وجہ ہے۔

انڈس ڈولفن کی اس نسل کو خطرہ لاحق ہے، جس کو اردو اور سندھی میں ’’بھلن‘‘ بھی کہا جاتا ہے، جبکہ اس کو عرف عام میں نابینا ڈولفن بھی کہا جاتا ہے۔

یاد رہے کہ گوگل2011 سے پاکستان کے لیے یوم آزادی پر ڈوڈل بنا رہا ہے۔