اسلام آباد ہائیکورٹ میں پیشی کے موقع پر پی ٹی آئی رہنما شہریارآفریدی کی طبیعت خراب ہوگئی اور وہ کمزوری اور خرابی صحت کے باعث لڑکھڑا گئے۔
تحریک انصاف کے رہنما اور سابق وفاقی وزیر شہریار آفریدی اپنی گرفتاری کیخلاف دائر درخواست کی سماعت کے لئے اسلام آباد ہائی کورٹ پیش ہوئے، جہاں ان کی طبیعت خراب ہوگئی۔
ذرائع کا کہنا ہے کہ شہریار آفریدی کمزوری اور خرابی صحت کے باعث لڑکھڑا گئے۔
اس سے قبل ان کی درخواست پر جسٹس بابرستار نے سماعت کی، اور عدالت نے نے ان کے خلاف ایم پی او کا حکم معطل کردیا، اور ریمارکس دیئے کہ شہریار آفریدی اسلام آباد میں اپنے گھرمیں رہیں گے، ان کو کچھ ہوا تو آئی جی اور چیف کمشنر ذمہ دار ہوں گے۔
