محکمہ موسمیات نے وارننگ جاری کرتے ہوئے کہا کہ جنوبی مشرقی سندھ میں آج سے درمیانی شدت کی مون سون ہواؤں کا سلسلہ داخل ہوگا۔

کراچی میں آئندہ چند روز کے دوران صبح کے وقت ہلکی بارش اوربوندا باندی کا امکان ہے۔ دوپہرکے وقت سمندر کی جنوب مغربی جبکہ شام کو بلوچستان کی مغربی سمت کی ہوائیں چل سکتی ہیں۔

آج شام یا رات تھرپارکر، عمرکوٹ، میرپورخاص، بدین سمیت کچھ مقامات پر گرج چمک کے ساتھ بارش کا امکان ہے۔

محکمہ موسمیات کا کہنا تھا کہ اگلے تین روز کے دوران کراچی کا زیادہ سے زیادہ درجہ حرارت 31 سے 33 ڈگری ریکارڈ ہوسکتا ہے۔ دیہی سندھ کی ساحلی پٹی پر ہلکی بارش کا بھی امکان ہے۔