مسیحی اور یہودی برادری سے تعلق رکھنے والوں کیلئے ایک نئی ایپلی کیشن متعارف کرائی گئی ہے جس میں صارفین مصنوعی ذہانت کے باعث حضرت موسیٰ علیہ السلام اور حضرت عیسیٰ علیہ السلام کے ساتھ گفتگو کرسکتے ہیں۔

جولائی میں شروع کی گئی ”Chat with Jesus“ نامی اس نئی ایپلی کیشن میں صارفین حضرت عیسیٰؑ اور حضرت موسیٰؑ سمیت بی بی مریمؑ، حضرت یونسؑ، حضرت داؤدؑ، حضرت سلیمانؑ، بابا آدمؑ اور اماں حواؑ کے ساتھ بھی گفتگو کرسکتے ہیں۔

یروشلم پوسٹ کے مطابق اس ایپلی کیشن کے ڈویلپر سٹیفن پیٹر نے ریلیجن نیوز کو بتایا کہ ’اس ایپ کے ذریعے آپ روزانہ بائبل یا تورات کی تلاوت کے بجائے ان میں موجود شخصیات سے بات چیت کرسکتے ہیں‘۔

مزید پڑھیں

’انسانیت مصنوعی ذہانت پر سے اپنا کنٹرول کھو دےگی‘

سندھ کے نوجوان نے مصنوعی ذہانت سے ’موت کے ٹیلے‘ کو زندہکردیا

مصنوعی ذہانت کے حامل ڈرون نے مبیبنہ طور پر اپنا آپریٹر مارڈالا

لیکن اس میں بھی سوالات کی ایک حد مقرر کی گئی ہے، کچھ سوالات ایسے ہیں جن کا جواب ایپ کے پاس نہیں۔

پیٹر کے مطابق ایپ کو اس طرح ڈیزائن کیا گیا ہے کہ معلومات کو صرف عارضی طور پر ذخیرہ کیا جائے تاکہ جواب فراہم کیا جا سکے۔

ایپ کو اس طرح ڈیزائن کیا گیا ہے کہ کرداروں کے ردعمل عام تقریر اور بائبل کے متن کو یکجا کریں۔

پیٹر نے ریلیجن نیوز کو بتایا، ’میں نے اسے اپ ڈیٹ کیا تاکہ یہ ایک عام شخص کی طرح زیادہ بول سکے اور اس بات کو یقینی بنایا کہ یہ بھول نہ جائے کہ اسے بائبل سے چیزیں حاصل کرنی ہیں۔‘

صرف پیغمبر یا مذہبی شخصیات ہی نہیں بلکہ آپ اس اسیپلی کیشن کے زریعے شیطان سے بھی بات کر سکتے ہیں۔

یہ ایپ ”شیطان کے ساتھ چیٹ“ سیٹنگ کے ساتھ آتی ہے جو بطور ڈیفالٹ آف ہے لیکن صارف اسے آن کر سکتا ہے۔