لاہور کے علاقے چوہنگ میں ڈپٹی ڈائریکٹر ریٹائرڈ کے سامنے اسکی بیٹی کو قتل کرنے کا مقدمہ درج کرلیا گیا۔

ڈپٹی ڈائریکٹر ریٹائرڈ کی مدعیت میں نا معلوم موٹر سائیکل سواروں کے خلاف مقدمہ درج کرلیا گیا جب کہ پولیس نے موقع سے شواہد اکٹھے کرکے تفتیش کا دائرہ کار وسیع کردیا۔

پولیس کے مطابق ایل ڈی اے ایونیو سوسائٹی کے قریب موٹر سائیکل سواروں نے عیشاہ کو گولی مار دی جس کے لڑکی موقع پر دم توڑ گئی۔

پولیس کا کہنا ہے کہ مقتولہ سیکنڈ ایئر کی طالبہ اور تین بہنوں میں سب سے چھوٹی تھی، اس کے قاتل موٹر سائیکل سواروں نے ہیلمٹ پہنے ہوئے تھے۔

پولیس نے بتایاکہ سابق ڈپٹی ڈائریکٹر عبدالغفار چند ماہ قبل الیکشن کمیشن سے ریٹائرڈ ہوا تھا۔