اسلام آباد:ایمان مزاری کو رہائی ملنے کے فوری بعد ایک بار پھر گرفتار کرلیا گیا۔
عدالتی حکم پر ایمان مزاری کو اڈیالہ جیل سے رہا کیا گیا تو اسلام آباد پولیس نے گرفتار کرلیا۔
اس سے قبل انسداد دہشت گردی عدالت اسلام آباد کے جج ابوالحسنات ذولقرنین نے ایمان مزاری کی درخواست بعد ازگرفتاری کی درخواست پر سماعت کی تھی۔
شیریں مزاری وکلاء کے ہمراہ عدالت میں پیش ہوئیں، عدالت کی ہدایت پر ایمان مزاری کی جلسے میں تقریر کا سکرپٹ پڑھ کر سنایا گیا۔
پراسیکیورٹر نے دراخواست ضمانت کی مخالفت کرتے ہوئے مؤقف اپنایا کہ ابھی تک یوایس بی کی رپورٹ نہیں آئی، تقریب کی فرانزک بھی کروانی ہے۔
عدالت نے دلائل مکمل ہونے کے بعد ایمان مزاری کی ضمانت منظور کرلی اور انہیں جیل سے رہا کرنے کا حکم دے دیا۔
