راولپنڈی میں میٹرو بس میں آتشزدگی کا واقعہ پیش آیا ہے، جس کے نتیجے میں ہونے والی بھگدڑ سے دو مسافر زخمی ہوئے، آگ پر قابو پالیا گیا ہے۔

راولپنڈی کے علاقے رحمان آباد میٹرو اسٹیشن کے قریب میٹرو بس کے انجن میں آگ لگی۔

اطلاع ملتے ہی ریسکیو اور فائر بریگیڈ عملہ موقع پر پہنچا اور آگ پر قابو پالیا۔

ریسکیو ترجمان کے مطابق بس سے کودنے پر ایک شخص اور خاتون زخمی ہوئے جنہیں اسپتال منتقل کردیا گیا ہے۔

مزید پڑھیں

سرگودھا: ڈمپر کی گاڑی کو ٹکر، 5 افراد جاں بحق 3 شدیدزخمی

لاہور: خاتون سے نازیبا حرکات کرنے والاگرفتار

راولپنڈی: مہنگی بجلی کیخلاف خواجہ سراؤں کا مظاہرہ، آئیسکو آفس کاگھیراؤ

بس میں موجود باقی مسافروں کو بحفاظت رحمان آباد اسٹیشن پر اتار لیا گیا۔

انتظامیہ کے مطابق بس میں موجود تمام افراد محفوظ رہے تاہم بس مکمل جل گئی، آگ لگنے کی مزید وجوہات جاننے کی کوشش کی جا رہی ہے ۔