چیئرمین پی سی بی مینجمنٹ کمیٹی ذکا اشرف کا بی سی سی آئی کے سیکرٹری جے شاہ سے رابطہ ہوا، دونوں شخصیات نے سری لنکا میں پاک بھارت میچ بارش سے متاثر ہونے پر بات چیت کی۔
ذکا اشرف نے جے شاہ سے گفتگو کرتے ہوئے کہا کہ سری لنکا میں مزید بارشوں کا امکان ہے۔
ذکاء اشرف تجویز دیتے ہوئے کہا کہ آنے والے دنوں کے لیے سری لنکا میں موسم کی صورتحال کا جائزہ لیا جائے اور میچز پاکستان اور دبئی میں کروائیں جائیں۔
انہوں نے کہا کہ ایشاء کپ ایک بڑا ٹورنامنٹ ہے بارش کی وجہ سے اس کو متاثر نہ کیا جائے، ہم صورتحال کا بغور جائزہ لے رہے ہیں۔
