شہرقائد کے باسی کافی دنوں سے خوشگوار موسم سے لطف اندوز ہورہے تھے لیکن دو دن سے گرم موسم کا آغاز ہو گیا ہے، محکمہ موسمیات نے آئندہ کے حالات بھی بتا دیئے ہیں۔۔

محکمہ موسمیات کا کہنا ہے کہ کراچی کا موسم گرم و مرطوب اور مطلع جزوی ابرآلود رہنے کا امکان ہے۔

شہر کا کم سے کم درجہ حرارت 27.5 ڈگری سینٹی گریڈ اور ہوا میں نمی کاتناسب 78 فیصد ریکارڈ کیا گیا ہے۔

محکمہ موسمیات کے مطابق کراچی میں جنوب مغرب کی سمت سے ہوائیں چل رہی ہیں۔

محکمہ موسمیات نے بتایا کہ جمعہ کو زیادہ سے زیادہ درجہ حرارت 33 سے 35 ڈگری سینٹی گریڈ رہنے کا امکان ہے۔

ہوا میں نمی کا تناسب بڑھنے سے گرمی کا احساس بڑھ گیا ہے۔

موسم کا حال بتانے والے بین الاقوامی پلیٹ فارمز کے مطابق ہفتہ کو بھی کراچی میں موسم گرم رہے گا اور سورج تیز ہوگا۔ البتہ اتوار سے بادلوں کی جزوی واپسی کا امکان ہے۔ آئندہ جمعہ کو بادل کافی زیادہ ہوسکتے ہیں لیکن گرمی کی شدت برقرار رہے گی۔