جہلم میں لنگر پور میں تین خواتین سمیت چار افراد کو قتل کرنے والے ملزمان کو پولیس نے گرفتار کرلیا ہے۔

ڈی پی او کا کہنا ہے کہ ملزمان کی شناخت رضوان عزیز، علی حیدر، علی حسن، عمر کے نام سے ہوئی ہے۔

انہوں نے کہا کہ ملزم رضوان نے ایک مقتولہ کو چند روز قبل زیادتی کا نشانہ بنایا تھا۔ مقتولہ ربیعہ نے رضوان عزیز کے خلاف زیادتی کا مقدمہ درج کروایا تھا۔

ڈی پی او ناصر محمود باجوہ نے پریس کانفرنس کرتے ہوئے بتایا کہ ملزمان نے منگل اور بدھ کی درمیانی شب گھر میں سوئی ہوئی تین خواتین اور ایک شخص کو فائرنگ کرکے قتل کیا تھا۔

ڈی پی او کا کہنا ہے ملزمان کا کریمنل ریکارڈ بھی ہےعلاقہ مکین ان کے خوف سے خاموش تھے، جسمانی ریمانڈ کے دوران ملزمان سے اسلحہ برآمد کرلیا جائے۔

واضح رہے کہ ملزمان نے گھر میں سوئے میاں بیوی اور سالیوں پر فائرنگ کی تھی، مقتولین کا 2 مرلے مکان پر رشتہ داروں سے تنازعہ چل رہا ہے۔