نادر علی ایک مشہور یوٹیوبر ہیں جنہوں نے اپنی مشہور پرانک ویڈیوز کے ذریعے شہرت حاصل کرنے کے بعد اب پوڈ کاسٹ کے زریعے شہرت کمارہے ہیں تاہم اپنے پوڈکاسٹ میں غیر مناسب سوالات پوچھے جانے کی وجہ سے ان دونوں وہ ایک متنازع شخصیت بنے ہوئے ہیں ۔

حال ہی میں نادر علی کے پرانے اور بہت مشہور ساتھی عامر بابا (عامر چپاتی) نے نادر علی کے بدلے ہوئے رویے پر مایوسی کا اظہار کیا ہے ۔

اسد علی پوڈ کاسٹ میں گفتگو کرتے ہوئے کامیڈین عامر بابا کا کہنا تھا کہ ایسا لگتا ہے کہ نادر علی اسے بالکل بھول گیا ہے، ہم نے نادر علی کو زارا ہٹ کے شو میں متعارف کرایا تھا جو وہ مین اسٹریم میڈیا کے لیے کیا کرتے تھے۔

انہوں نے کہا کہ نادر علی صرف کامیڈی ٹیم کا حصہ تھے بعد میں انہوں نے اپنا یوٹیوب چینل شروع کیا۔

عامر بابا نے کہا کہ یوٹیوب پر مقبولیت حاصل کرنے کے بعد میں نے نادر علی کے رویے میں نمایاں تبدیلی دیکھی ہے۔

انہوں نے کہا کہ میں نے نادر علی سمیت ہر پرانے ساتھی کو فون کرنے کی کوشش کی لیکن کسی نے ان کا فون نہیں اٹھایا۔

عامر بابا کا کہنا تھا کہ میں اپنے تمام ساتھیوں کو جو اب مشہور ہیں ایک پیغام دینا چاہتا ہوں کہ وہ نوجوانوں کے فون اٹھائیں اور انہیں موقع دیں کیونکہ وہ کام کرنا چاہتے ہیں۔