ڈیرہ بگٹی پانچ دن گزرنے کے بعد بھی مغوی فٹبالرز بازیاب نہ ہونے پر آج پانچویں روز بھی احتجاج کا سلسلہ جاری ہے۔
پانچ روز گزرنے کے باوجود بھی فٹبالرز کی بازیابی ممکن نہیں ہوسکی جس کے بعد مقامی قبائلی عمائدین، سول سوسائٹی کی جانب سے احتجاج کا سلسلہ جاری ہے۔
آج ڈیرہ بگٹی ٹاؤن میں میرلیاقت بگٹی کی سربراہی میں ایک احتجاجی ریلی نکالی گئی، جس میں پلے کارڈ اٹھا رکھے تھے۔
احتجاجی ریلی میں سیکیورٹی فورسزز اور اداروں قبائلی وڈیروں سے اپیل کی گئی کہ وہ فٹبالروں کے بازیابی کے لیے کوشش کریں تاکہ وہ واپس آسکے۔
احتجاج میں سابق منتخب نمائندگان شاہ زین بگٹی، گہرام بگٹی ،ڈپٹی کمشنر سمیت تمام سے کردار ادا کرنے کی اپیل کی گئی۔
