لاہور ہائی کورٹ نے کرکٹ میچز کے دوران جوئے سے روکنے کے لئے دائر درخواست پر فریقین سے رپورٹ طلب کرلی۔

کرکٹ میچز کے دوران جوئے سے روکنے کے لئے دائر درخواست پر لاہور ہائی کورٹ کے جسٹس مرزا وقاص رؤف نے سماعت کی، اس موقع پر ڈپٹی اٹارنی جنرل آفس سے جاوید قصوری عدالت میں پیش ہوئے۔

درخواست میں مؤقف اپنایا گیا کہ کرکٹ میچز کے دوران جوئے کا انعقاد کیا جاتا ہے، ہمارا معاشرہ بری طرح اس چیز سے متاثر ہو رہا ہے۔

درخواست گزار نے لاہور ہائی کورٹ سے کرکٹ میچز کے دوران جوئے کا انعقاد روکنے کا حکم دینے کی استدعا کردی۔

عدالت نے کرکٹ میچز کے دوران جوئے سے روکنے کے لئے درخواست پر فریقین سے رپورٹ طلب کرلی ہے۔