ڈیرہ اسماعیل خان کے علاقے کولاچی میں سیکیورٹی فورسز نے دہشت گردوں کی موجودگی کی اطلاع پر انٹیلی جنس بیسڈ آپریشن کیا، اس دوران فائرنگ کے تبادلے میں ایک دہشت گرد ہلاک اور ایک زخمی ہوگیا۔
پاک فوج کے شعبہ تعلقات عامہ (آئی ایس پی آر) کے مطابق 20 ستمبر 2023 کو شدید فائرنگ کے نتیجے میں مارے گئے دہشت گرد سے اسلحہ اور گولہ بارود بھی برآمد ہوا۔
ہلاک دہشتگرد سیکیورٹی فورسز کے خلاف دہشت گردی کی کارروائیوں اور معصوم شہریوں کے قتل میں ملوث تھا۔
آئی ایس پی آر کے مطابق اہل علاقہ نے آپریشن کو سراہا، علاقے کی سرچ آپریشن جاری ہے تاکہ وہاں پائے جانے والے دیگر دہشت گردوں کو ختم کیا جا سکے۔
