اسلام آباد کے مختلف سرکاری اسکولوں اور کالجز میں چلنے والی بسسوں کا فیول نہ ہونے کے باعث سرکاری ٹرانسپورٹ بند کردی گئی، نگراں وفاقی وزیر مدد علی سندہی نے اس واقعے کا نوٹس لے لیا۔

ڈیزل کے پیسے نہ ہونے کی وجہ سے اسلام آباد کے کئی اسکول اور کالجز میں ٹرانسپورٹ بند کردی گئی۔

آئی ایم سی بی ایف ایٹ فور اور ایف سیون کالج فار گرلز سمیت متعدد کالجز اور اسکول کی بسوں کو فیول نہ ملنے کی وجہ سے کئی روز سے ٹرانسپورٹ بند ہے، جس کے باعث طلباء کو مشکلات کا سامنا کرنا پڑ رہا ہے۔

نگراں وفاقی وزیر مدد علی سندہی نےواقعہ کا نوٹس لیتے ہوئے رپورٹ طلب کرلی۔