نگراں وزیر خارجہ جلیل عباس جیلانی نے کہا ہے کہ نگراں وزیراعظم نے اقوام متحدہ کی جنرل اسمبلی میں خطاب میں مسئلہ کشمیر اور فلسطین پر دو ٹوک مؤقف اختیار کیا، وزیراعظم نے کہا کہ خطے میں امن کا خواب مسئلہ کشمیر کے حل کے بغیر ممکن نہیں ہے۔
نیویارک میں اقوام متحدہ کے ہیڈکوارٹرز میں پریس کانفرنس کرتے ہوئے جلیل عباس جیلانی نے کہا کہ نگراں وزیراعظم نے مختلف ممالک کے ہم منصب سے ملاقاتیں کیں، انوارالحق نے پاکستان کے نکتہ نظر سے دنیا کو آگاہ کیا۔
انھوں نے کہا کہ جموں کشمیر رابطہ گروپ اجلاس میں بھارتی مظالم سے آگاہ کیا، پاکستان کشمیر پر سلامتی کونسل کی قرار دادوں پرعمل چاہتا ہے، مسئلہ کشمیر کے حل کے بغیر خطے میں امن ممکن نہیں۔
یہ بھی پڑھیں :
عالمی طاقتیں خطے میں امن کے لئے بھارت پر دباؤ ڈالیں، نگراں وزیراعظم کا اقوام متحدہ سے خطاب
بلوچستان کی قتل و غارت گری میں بھارت کے ملوث ہونے کے ثبوت ہیں، نگراں وزیراعظم
افغان حکومت کی پاکستان پر حملہ کرنے والوں کیخلاف کارروائی کی یقین دہانی
جلیل عباس نے مزید کہا کہ دنیا کو ماحولیاتی تبدیلی کے اثرات سمیت معیشت کی بہتری کیلئے اقدامات سے آگاہ کیا۔
ان کا مزید کہنا تھا کہ فلسطین سے متعلق نگراں وزیراعظم نے واضح مؤقف اختیار کیا۔
