کراچی کے علاقے گلستان جوہر میں بجلی کی عدم دستیابی پر شہری سڑکوں پر آگئے جس کی وجہ سے ٹریفک جام ہوگیا۔
گلستان جوہر کے مکین بجلی کی عدم فراہمی پر سراپا احتجاج بن گئے۔
مظاہرین نے سڑک بلاک کرکے ٹریفک معطل کردی۔ احتجاج میں خواتین ، بزرگ اور بچے شریک ہیں۔
شرکا نے ہاتھوں میں پلے کارڈ اٹھا رکھے ہیں، مظاہرین نے کے الیکٹرک حکام کے خلاف نعرے بازی بھی کی۔
مظاہرین کا کہنا ہے کہ گھر میں چھوٹے بچے بھی ہیں، ہماری بجلی فوری بحال کی جائے۔
