عید میلاد النبیﷺ کے پیش نظر لاہور شہر کے تمام سینما گھر اور تھیٹرز بند رکھنے کا فیصلہ کرلیا گیا اور اس سلسلے میں ڈی سی لاہور رافعہ حیدر کی ہدایت پر نوٹیفکیشن جاری کردیا گیا۔
ڈی سی لاہور رافعہ حیدر نے کہا کہ 29 ستمبر بروز جمعہ کو شہر میں سینما گھروں اور تھیٹرز میں سرگرمیوں کی اجازت نہیں ہوگی۔
رافعہ حیدر نے یہ بھی کہا کہ ضلعی انتظامیہ کی جاری کردہ ہدایات کی خلاف ورزی پر سخت ایکشن لیا جائے گا۔
اُن کا کہنا تھا کہ شہر کے تمام تھیٹرز اور سینما گھروں کے مالکان کو تحریری ہدایات ارسال کر دی گئی ہیں۔
راولپنڈی: 12 ربیع الاول کو کونسی سڑکیں بند رہیں گی، ٹریفک پلانجاری
ڈی سی لاہور رافعہ حیدر کا مزید کہنا تھا کہ ولادت رسولﷺ کی عقیدت و احترام میں ان سینما گھر اور تھیٹرز بند کرنے کا فیصلہ کیا گیا ہے۔
