نازیبا لباس اور بولڈ فوٹو شوٹ سے شہرت کی بلندیوں پر پہنچنے والی بھارتی اداکارہ عرفی جاوید کی منگنی کی افواہیں گردش کرنے لگیں ۔

سوشل میڈیا پر عرفی جاوید کی ایک تصویر وائرل ہورہی ہے جس میں وہ ایک شخص کے ساتھ بیٹھی پوجا کرتی نظر آرہی ہیں تاہم مداحوں کو لگتا ہے کہ ماڈل نے اب خفیہ طور پر منگنی کر چکی ہے۔

مذکورہ تصاویر میں نوجوان کا چہرہ نہیں دکھایا مگر اب یہ دعویٰ کیا جا رہا ہے عرفی جاوید نے ہندو رسم ورواج کے مطابق اس ہندو لڑکے سے منگنی کر لی ہے۔

عرفی جاوید ہمیشہ ہر موضوع پر کھل کر بات کرتی ہیں لیکن ایسا لگتا ہے کہ انہوں نے اپنی منگنی کو خفیہ رکھا ہے کیونکہ یہ ایک ذاتی چیز ہے۔

تاہم عرفی کی بہن اروسا نے اپنے انسٹاگرام اسٹوری پر جوڑے کی ایک تصویر پوسٹ کی جسے بہت سے لوگ خبر کی تصدیق کے طور پر دیکھ رہے ہیں۔

دوسری جانب عرفی نے خود ابھی تک اس خبر کی تصدیق یا تردید نہیں کی ہے۔