صدر مملکت عارف علوی اور نگراں وزیراعظم انوار الحق کاکڑ سے سبکدوش ہونے والے نیول چیف ایڈمرل امجد خان نیازی نے الگ الگ الوداعی ملاقاتیں کی ہیں۔

صدر عارف علوی سے چیف آف نیول سٹاف ایڈمرل امجد خان نیازی نے ایوان صدر میں الوداعی ملاقات کی۔

ایوان صدر کے پریس ونگ کے مطابق ملاقات میں صدر مملکت نے ایڈمرل محمد امجد خان نیازی کی ملک اور پاک بحریہ کے لیے خدمات کو سراہا۔

صدر مملکت نے دفاعی شعبے اور سمندری امور میں ایڈمرل محمد امجد خان نیازی کے کردار کی بھی تعریف کی۔

عارف علوی نے ایڈمرل محمد امجد خان نیازی کے مستقبل کے لیے بھی نیک تمناؤں کا اظہار کیا۔

بعدازاں نگران وزیراعظم انوار الحق کاکڑ سے بھی چیف آف نیول اسٹاف ایڈمرل محمد امجد خان نیازی نے ملاقات کی۔

ملاقات کے دوران نگراں وزیراعظم نے پاک بحریہ کے لیے ایڈمرل محمد امجد خان نیازی کی خدمات کو سراہا۔

اس موقع پر نگران وزیراعظم انوار الحق کاکڑ کا کہنا تھا کہ آپ نے بہترین طریقے سے پاک بحریہ کی قیادت کی اور ملکی دفاع کو ناقابل تسخیر بنانے میں کلیدی کردار ادا کیا۔