کراچی میں پولیس نے لانڈھی میں خواتین کے ساتھ نازیبا حرکت کرنے والا ملزم گرفتار کرلیا۔
لانڈھی منگل بازارمیں شہریوں نے ایک شخص پر خواتین سے مبینہ نازیبا حرکت کرنے پر تشدد کیا۔ تشدد کی ویڈیو بھی وائرل ہوئی۔
اس حوالے سے پولیس کا کہنا ہے کہ ملزم بازار میں خواتین کے ساتھ نازیبا حرکت کررہا تھا جسے شہریوں نے پکڑا تھا۔
پولیس کے مطابق ملزم مار پیٹ کے دوران فرار ہوگیا تھا، تاہم پولیس نے بازار میں نازیبا حرکات کرنے والے ملزم کو حراست میں لیکر تفتیش شروع کردی ہے۔
