پاکستان تحریک انصاف پارلیمنٹیرین کی تقریب میں دھوکے سے لوگوں کو لانے کا انکشاف ہوا ہے۔ تقریب کے دوران جماعت اسلامی کا کارکن اٹھ کھڑا ہوا۔
پشاور میں پرویز خٹک کی صدارت میں تقریب کا انعقاد کیا گیا جس میں مسلم لیگ ق کےصوبائی صدر علامہ محمد شعیب ساتھیوں سمیت پی ٹی آئی پارلیمنٹرین میں شامل ہوئے۔
دوران تقریب اچانک ایک شخص کھڑا ہوا اور اپنا نام عبد الرحمان بتاتے ہوئے کہا کہ میں جماعت اسلامی کا رکن ہوں اور رہوں گا۔
جماعت اسلامی کے کارکن عبدالرحمان کا کہنا تھا کہ تقریب میں مجھے مدارس رجسٹریشن کے نام پر بلایا گیا۔
جماعت اسلامی کے کارکن نے تقریب سے روانہ ہو کر پرویزخٹک کو حیران کردیا۔
یاد رہے کہ تقریب سے خطاب میں پرویز خٹک کا کہنا تھا کہ کرسی نہیں بہتری چاہتا ہوں تاکہ عوام کو فائدہ پہنچا سکوں۔
پرویز خٹک کا مزید کہنا تھا کہ پی ڈی ایم عوام کو گمراہ کر رہی ہے، میں کسی کے خلاف نہیں ہوں اور نا کسی سے مقابلے کے لئے آیا ہوں۔
ان کا کہنا تھا کہ پی ٹی آئی پی ملک میں نظام ٹھیک کرنے کے ساتھ اصلاحات لانا چاہتی ہے۔
