نگراں وزیراعظم انوارالحق کاکڑ چار روزہ دورے پر چین پہنچ گئے۔
وزیراعظم 17 اور 18 اکتوبر کو بیجنگ میں منعقد ہونے والے تیسرے بیلٹ اینڈ روڈ فورم میں شرکت کریں گے اور اعلیٰ سطح فورم سے خطاب بھی کریں گے۔
نگراں وزیراعظم اس حوالے سے چین کے صدر شی جن پنگ، سرمایہ کاروں اور تاجروں سے ملاقاتیں کریں گے۔
واضح رہے کہ نگراں وفاقی وزیر تجارت گوہر اعجاز پہلے ہی بیلٹ اینڈ روڈ فورم میں شرکت کے لیے چین میں موجود ہیں۔
