ہالی ووڈ کے نامور اداکار مائیکل کین نے اعلان کیا ہے کہ وہ اپنی نئی فلم کی ریلیز کے بعد ایکٹنگ کیریئر کو خیرباد کہہ دیں گے۔

برطانوی خبر رساں ادارے سے ایک انٹرویو میں اداکار نے بتایا کہ وہ اکثر اپنی ریٹائرمنٹ کا ذکر کرتے تھے اور اب وہ وقت آگیا ہے۔

مائیکل کین کا شوبز کیریئر کئی دہائیوں پر محیط ہے اور انہوں نے 160 فلموں میں کام کیا اور دو مرتبہ انہیں آسکر سے نوازا گیا۔

اداکار کی نئی فلم ’دی گریٹ اسکیپر‘ ریلیز ہونے والی جس میں ان کے ساتھ کام کرنے والی اداکارہ گلینڈ جیکسن کا انتقال بھی رواں برس جون میں ہوا ہے۔

فلم کی کہانی جنگ عظیم دوم کے گرد گھومتی ہے جس میں جنگ میں شریک دو فوجی کیئر ہوم سے بھاگ کر فرانس کی خصوصی تقریب میں شرکت کرتے ہیں۔