گلوکار عاطف اسلم نے ایک کنسرٹ میں مداح کو ان پر پیسے پھینکنے سے روکتے ہوئے کہا کہ یہ کام کرنے کی بجائے میں آپ سے اپیل کرتا ہوں کہ اس کو عطیہ کر دیں۔

گلوکار عاطف اسلم نے اپنے کنسرٹ کے درمیان پرفارمنس کو اس لیے روک دیا کیونکہ ان کا ایک مداح ان پر پیسے پھینک رہا تھا، نوجوان گلوکار نے اپنے فین کو ایسا کرنے سے منع کرتے ہوئے کہا کہ اس کے بجائے آپ اس رقم کو کسی اہم مقصد کے لیے عطیہ کر سکتے ہیں۔

یہ واقعہ عاطف اسلم کے شمالی امریکا کے دورے کے موقع پر اپنے لائیو شو میں پیش آیا تاہم اس واقعے کی ویڈیو سوشل میڈیا پر وائرل ہوگئی۔

عاطف اسلم نے نہایت شائستگی کیساتھ اپنے مداح سے براہ راست بات کی۔ گلوکار کی بے لوث اور مہربان درخواست نے مداحوں اور تماشائیوں کے دلوں کو چھو لیا۔