پاکستان پیپلزپارٹی کے چیئرمین بلاول بھٹو زرداری کا کہنا ہے کہ پاکستان اس کٹھن وقت میں فلسطینی عوام کے ساتھ کھڑا ہے، پی پی قیادت نے پوری دنیا میں فلسطین کا مقدمہ لڑا، اسرائیلی جارحیت کو روکنے کے لئے عالمی برادری اپنا کردار ادا کرے۔
پاکستان پیپلزپارٹی کے چیئرمین بلاول بھٹو زرداری کی فلسطین کے سفارت خانے آمد ہوئی، جہاں ان کی پاکستان میں فلسطین کے سفارت کار احمد جواد امین ربیعی سے اسلام آباد میں ملاقات ہوئی۔
بلاول بھٹو زرداری نے غزہ کی صورتحال پر تشویش کا اظہارکرتے ہوئے اہلیان فلسطین کے لیے اظہاریکجہتی کا پیٖغام دیا۔
اس موقع پر چیئرمین پیپلز پارٹی کا کہنا تھا کہ پاکستان اس کٹھن وقت میں فلسطین کے عوام کے ساتھ کھڑا ہے، پاکستان پیپلزپارٹی کی قیادت نے پوری دنیا میں فلسطین کا مقدمہ لڑا، یاسر عرفات نے شہید ذوالفقار علی بھٹو کو گڑھی خدا بخش پہنچ کر خراج عقیدت پیش کیا۔
بلاول بھٹو زرداری نے مزید کہا کہ اسرائیلی حملوں میں سینکڑوں فلسطینی بچوں کی شہادت انسانیت کے ماتھے پر بدنما داغ ہے، اسرائیل نے اسپتال پر بمباری کرکے ثابت کردیا اس کا وجود دنیا کے لئے سیکیورٹی رسک ہے، اسرائیلی جارحیت کو روکنے کے لیے عالمی برادری اپنا کردار ادا کرے۔
بلاول بھٹو زرداری کو فلسطینی سفارت کار احمد جواد نے فلسطینی مزاحمت کا علامتی رومال پہنایا۔
سابق وزیر خارجہ بلاول بھٹو نے فلسطینی سفارت خانے کی گیسٹ بک میں اپنے تاثرات بھی قلمبند کیے۔
پی ٹی آئی کا فلسطین سے اظہارِ یکجہتی کیلئے کل ملک گیرمظاہروں کااعلان
جماعت اسلامی کی یکجہتی غزہ مارچ: ’او آئی سی اپنا اجلاس بلا کر اپنےزندہ ہونے کا ثبوت دے‘
اس موقع پر سینیٹر شیری رحمان اور سابق وزیراعلیٰ سندھ سید مراد علی شاہ بھی موجود تھے۔
