سربراہ جمعیت علمائے اسلام ایف (جے یو آئی) مولانا فضل الرحمان نے غزہ میں جاری جنگ میں حماس کی مکمل حمایت کرنے کا اعلان کردیا۔
کوئٹہ میں جے یو آئی کے الاقصیٰ مارچ سے عربی میں خطاب کرتے ہوئے مولانا فضل الرحمان نے حماس کو مکمل حمایت کی یقین دہانی کراتے ہوئے اسرائیل کے خلاف جاری جنگ میں حماس کی مکمل حمایت کا اعلان کیا۔
انہوں نے کہا کہ دنیا اور مسلم حکمرانوں کو پیغام ہے ہم فلسطینیوں کے ساتھ ہیں، اپنے مجاہدین کے ساتھ جنگ کے لیے تیار ہیں۔
فضل الرحمان کا کہنا تھا کہ امریکا اب سُپر پاور نہیں رہا، جنہیں تم دہشت گرد کہتے ہو ہم انہیں مجاہدین کہتے ہیں، حکمران غیرت کا مظاہرہ کریں۔
یہ بھی پڑھیں:
اسلام آباد: لاکھوں نوجوان غزہ جا کر شہادت کیلئے تیار ہیں، سراج الحقکا غزہ مارچ سے خطاب
جے یو آئی سربراہ نے کہا کہ آج یہودی لابی کا ایجنٹ مکافات عمل کا شکار ہے، یہودی لابی نے جس ایجنٹ کو پاکستان بھیجا اس کو شکست دے دی گئی۔
