بھارت میں جاری آئی سی سی کرکٹ ورلڈ کپ میں پاکستان کرکٹ ٹیم اپنا ساتواں میچ کل بنگلہ دیش کے خلاف کھیلے گی، اس میچ کے لیے قومی ٹیم میں 3 تبدیلیوں کا امکان ہے۔
میگا ایونٹ کے 31 ویں میچ میں پاکستان ٹیم اپنے ساتویں میچ میں کل بنگلادیش کے مدمقابل آرہی ہے، میچ کوکلتہ کے ایڈن گارڈنز میں کھیلا جائے گا، میچ پاکستانی وقت کے مطابق دوپہر ڈیڑھ بجے شروع ہوگا۔
بنگلادیشن کے خلاف میچ کے لیے پاکستان ٹیم میں 3 تبدیلیوں کا امکان ہے، میچ میں فخر زمان کی واپسی ہوگی، فخر زمان گھٹنے کی انجری کا شکار تھے، انہیں امام الحق کی جگہ ٹیم میں شامل کیے جانے کا امکان ہے۔
امام الحق نے ورلڈ کپ کے 6 میچز میں 27.00 کی اوسط سے 162 رنز بنائے ہیں۔
آل راؤنڈر محمد نواز کی جگہ سلمان علی آغا کو میدان میں اتارے جانے کی اطلاعات بھی ہیں، نواز اب تک 5 میچز میں صرف 81 رنز بناسکے اور صرف 2 وکٹیں ہی حاصل کی ہیں، اگر سلمان علی آغا میدان میں اتریں تو یہ ان کا پہلا ورلڈ کپ میچ ہوگا۔
نائب کپتان شاداب خان جو پچھلے میچ میں کنکشن کا شکار ہوئے تھے، بنگلا دیش کے خلاف میچ میں آرام کرسکتے ہیں۔
ٹیم منیجمنٹ ان کو رواں ہفتے مکمل ریسٹ کرانے پر غور کررہی ہے، ان کی جگہ اسامہ میر فائنل الیون کا حصہ ہوسکتے ہیں۔
پی سی بی نے انضمام کیخلاف الزامات سے متعلق تحقیقات کیلئے کمیٹی تشکیلدے دی
جنوبی افریقا کے خلاف میچ میں اسامہ میر نے بطور کنکشن ری پلیسمنٹ شاداب کی جگہ لی تھی۔
