چترال کے اپر اور لوئیر میں بارش اور برفباری کا سلسلہ شروع ہونے سے سرد ہوائیں چلنے لگی ہیں۔

لوئیر چترال مڈلگشت میں موسم کی پہلی برفباری شروع ہوتے ہی پہاڑیوں نے برف کی سفید چادر اوڑھ لی ہے۔

محکمہ موسمیات کا کہنا ہے کہ آج چترال، سوات، دیر، پشاور، صوابی سمیت دیگرعلاقوں میں بارش ہوسکتی ہے۔

محکمہ موسمیات نے کہا کہ خیبرپختونخوا کے پہاڑی علاقوں میں برف باری اور میدانوں علاقوں میں بارش کا امکان ہے۔

گزشتہ روز پشاور، چترال اور مہنمد کے بعض علاقوں میں ہلکی ہلکی بارش ہوئی جبکہ روز چترال میں 2 ملی میٹر پشاور اور مہنمد میں معمولی بارش ریکارڈ کی گئی۔