کراچی کی سٹی کورٹ نے حسان نیازی کو فرار کرانے کے کیس میں پاکستان تحریک انصاف کے رہنما حلیم عادل شیخ پر فرد جرم عائد کرنے کے لیے 9 دسمبر کی تاریخ مقرر کردی جبکہ عدالت نے استحکام پارٹی کے رہنما علی زیدی کو بھی اشتہاری قرار دے دیا۔
کراچی سٹی کورٹ میں جوڈیشل مجسٹریٹ جنوبی کی عدالت کے روبروعدالت میں پیشی پر لائے گئے پی ٹی آئی کے رہنما حسان نیازی کو فرار کرانے سے متعلق درخواست کی سماعت ہوئی۔
دورانِ سماعت مقدمے میں نامزد پی ٹی آئی سندھ کے صدر حلیم عادل شیخ عدالت میں پیش ہوئے۔
عدالت نے پی ٹی آئی رہنما حلیم عادل شیخ پر فرد جرم عائد کرنے کے لیے 9 دسمبر کی تاریخ مقرر کردی۔
دوسری جانب عدالت نے ملزم حسان نیازی کو فرار کرانے کے مقدمے میں استحکام پاکستان پارٹی کے رہنما علی زیدی کو بھی اشتہاری قرار دیتے ہوئے ان کے خاکے آویزاں کرنے کا حکم دے دیا۔
عدالت نے تفتیشی افسر سے ملزم کی منقولہ اور غیر منقولہ جائیداد کی تفصیلات بھی طلب کرلی۔
’نجی افراد سے زمین لی پھر سرکاری کیس کیسے بن گیا‘، حلیم عادل شیخ کیدرخواستِ بریت خارج
حلیم عادل شیخ کی درخواست پر 2 تفتیشی افسران کو شوکاز نوٹسجاری
