پیسکو حکام کا کہنا ہے کہ بجلی چوری کے خلاف کریک ڈاون کے دوران میٹر ٹمپرڈ کے ذریعے بجلی چوری پر وکیل ابرار حسین کا پکڑا تو وہ آپے باہر ہوگیا اور پیسکو ٹیم پر فائرنگ کی۔
ترجمان پیسکو کا کہنا ہے کہ مومن ٹاؤن دلہ ذاک روڈ کا رہائشی وکیل ابرار حسین ٹمپرڈ میٹر کے ذریعے بجلی چوری کر رہا تھا، بجلی چوری کرنے والے صارف وکیل ابرار حسین نے توڑ پھوڑ اور گالم گلوچ کی اور جان سے مارنے کی دھمکیاں بھی دیں۔
ترجمان پسیکو وکیل ابرار حسین نے اسلحہ سے لیس دیگر ساتھیوں کوجائے وقوعہ پر بلا لیا، پولیس موقع پر پہنچی تو ابرار حسین دیگر ساتھیوں کے ہمراہ فرار ہوگئے۔
پیسکو حکام کا کہنا ہے کہ پولیس کی مدد سے ملزم ابرار حسین کے گھر سے ٹمپرڈ میٹر اتار لیا گیا، فائرنگ، بجلی چوری اورکار سرکار میں مداخلت پرملزم کیخلاف مقدمے کے لیے درخواست دے دی ہے۔
