ایف آئی اے امیگریشن کی کراچی ائرپورٹ پر کارروائی کرتے ہوئے بیرون ملک سے آنے والے دو مسافروں کو گرفتار کرلیا۔

ترجمان کے مطابق ملزمان کے پاسپورٹ پر جعلی ویزے لگے ہوئے تھے، گرفتار ملزمان میں سجاد حسین اور علی حمزہ شامل ہیں، جو پاکستانی پاسپورٹ پرپہنچے تھے۔

ترجمان کا کہنا ہے کہ ملزم علی حمزہ کے پاسپورٹس پر عراق کا جعلی ویزا لگا ہوا تھا، ملزم سجاد حسین کے پاسپورٹ پر ویزے کے صفحات ٹمپرڈ شدہ تھے، ملزمان پاکستان سے ایران گئے تھے، جنہیں اینٹی ہیومن ٹریفکنگ سرکل کراچی منتقل کردیا۔