پاکستان کے فاسٹ بولر شاہین شاہ آفریدی کو قومی ٹیسٹ ٹیم کا نائب کپتان مقرر کردیا گیا،وہ 27 ٹیسٹ میچوں میں پاکستان کی نماٸندگی کر چکے ہیں۔

پاکستان اور آسٹریلیا کے درمیان 3 ٹیسٹ میچوں کی سیریز کا پہلا ٹیسٹ جمعرات (کل) سے پرتھ میں شروع ہوگا، شان مسعود قومی ٹیسٹ ٹیم کی قیادت کریں گے جبکہ شاہین شاہ آفریدی نائب کپتان کی ذمہ داریاں سمبھالیں گے۔

فاسٹ بولر شاہین شاہ آفریدی 27 ٹیسٹ میچوں میں پاکستان کی نماٸندگی کر چکے ہیں جبکہ وہ پاکستان ٹیم کے ٹی 20 فارمیٹ کے بھی کپتان ہیں۔

ایک بیان میں پاکستان کرکٹ بورڈ (پی سی بی) نے کہا کہ آسٹریلیا کے خلاف ٹیسٹ سیریز میں شاہین شاہ آفریدی قومی ٹیم کے وائس کپتان کے فرائض انجام دیں گے۔

دوسری جانب پرتھ میں ورلڈ ٹیسٹ چیمپیئن آسٹریلیا کے خلاف پہلے ٹیسٹ کے لیے قومی ٹیم کا اعلان کردیا گیا، فاسٹ بولر عامر جمال اور خرم شہزاد کا ٹیسٹ ڈیبیو ہوگا۔

کینگروز کے خلاف قومی کرکٹ ٹیم کی پلیئنگ الیون میں امام الحق، عبداللہ شفیق، بابراعظم، وکٹ کیپر سرفراز احمد، سعود شکیل، سلمان علی آغا، فہیم اشرف اور شاہین آفریدی شامل ہیں۔