پیرودھائی کےعلاقے میں ڈکیتوں نے پولیس پارٹی پر فائرنگ کردی، جوابی فائرنگ میں 3 ڈاکو ہلاک ہوئے، جن کے قبضے سے اسلحہ برآمد ہوا ہے۔

راولپنڈی میں تھانہ پیرودھائی کے علاقہ فوجی کالونی میں ڈکیت گینگ نے پولیس ریڈنگ پارٹی پر فائرنگ کردی، فائرنگ کے تبادلے کے دوران تین ڈاکو ہلاک اور دو فرار ہوگئے۔

پولیس حکام کے مطابق مارے گئے ڈاکوؤں کے قبضے سے اسلحہ برآمد ہوگیا ہے، جب کہ فرار ہونے والے دو ڈاکو فائرنگ کرتے ہوئے نالہ لئی کی جانب بھاگے، جن کی گرفتاری کے لئے سرچنگ جاری ہے۔

حکام نے بتایا کہ مارے گئے ڈاکوؤں کی شناخت فضل الرحمان عرف پرچونا، عزت اللہ اور جاوید شاہ کے نام سے ہوئی ہے، تینوں ملزمان سنگین جرائم میں ریکارڈ یافتہ ہیں۔