پاکستان میں منکی پوکس سے پہلی ہلاکت ہوئی ہے، وفاقی دارالحکومت کے پمز اسپتال میں زیر علاج 40 سالہ مریض انتقال کر گیا۔
پمز حکام کے مطابق جاں بحق مریض منکی پاکس اور ایچ آئی وی کے امراض میں مبتلا تھا، منکی پاکس میں مبتلا شخص سعودی عرب سے پاکستان واپس آیا تھا، جاں بحق ہونے والا شہری گزشتہ ڈیڑھ ماہ سے زیر علاج تھا۔
پمز حکام کے مطابق ایم پوکس کے علاج کے لیے عالمی ادارہ صحت نے تجرباتی دوا بھی فراہم کی تھی لیکن مریض جانبر نہ ہوسکا اور اتوار کو وفات پاگیا۔
