بالی ووڈ سُپراسٹار شاہ رخ خان کو متحدہ عرب امارات میں انوکھے انداز میں خراجِ تحسین پیش کیا گیا ہے۔

متحدہ عرب امارات میں شاہ رخ خان کی فلم ’ڈنکی‘ کی تشہیر کے لیے ڈرونز کی مدد سے آسمان پر ان کا ایک آئیکونک پوز بنایا گیا۔

سوشل میڈیا پر اس تقریب سے دلکش ویڈیوز وائرل ہیں۔

تقریب میں شاہ رخ خان خود بھی شریک تھے جنہوں نے برج خلیفہ لیک میں کشتی پررومانوی اندازمیں انٹری دی، ڈرون شو سے برج خلیفہ روشنیوں سے جگمگا اٹھا۔

سعودی فلم اتھارٹی نے آج 21 دسمبر کو فلم کی دنیا بھر کے ساتھ سعودی عرب میں بھی نمائش کا اعلان کیا ہے۔

سعودی میڈیا ذرائع کے مطابق فلم کی تیاری میں 15 سے زیادہ سعودی فلمساز نے بھی شرکت کی۔

فلم کی شوٹنگ جدہ، تبوک، نیوم میں کی گئی، شوٹنگ 13 دن تک جاری رہی جس میں سعودی عرب کے مختلف شہروں کے قدرتی مناظر کو فلمایا گیا گیا۔

ڈنکی میں شاہ رخ خان ایک مختلف روپ میں نظر آئے گے۔ یہ فلم راج کمار ہیرانی کے ساتھ شاہ رخ خان کی پہلی فلم ہے۔