قائد اعظم ڈے نمائشی ہاکی میچ میں اولمپیئن الیون نے انٹر نیشنل الیون کو تین کے مقابلے میں چار گول سے ہرادیا۔ نگران مشیر کھیل پنجاب وہاب ریاض کا کہنا ہے کہ قومی کھیل کو دوبارہ بام عروج پر پہنچانے کے لیے انٹرنیشنل ہاکی لیگ کروائیں گے۔
نیشنل ہاکی اسٹیڈیم میں قائد اعظم ڈے پر نمائشی ہاکی میچ میں ماضی اور حال کے ستاروں کی کہکشاں آمڈ آئی۔
فاتح ٹیم کی طرف سے شفقت ملک ، شہباز سینئر، شاہد گل اور محمد عثمان نے ایک ایک گول کیا جبکہ انٹر نیشنل الیون کے محمد ولید نے دو اور محمد عماد نے ایک گول کیا۔
کھیل کے اختتام پر مشیر کھیل وہاب ریاض نے میڈیا سے گفتگو کرتے ہوئے کہا کہ قومی کھیل کے فروغ کے لیے ہرممکن اقدامات اٹھارہے ہیں۔ آئندہ سال انٹرنیشنل ہاکی لیگ کروائیں گے۔
اس موقع پر سابق کپتان اختر رسول نے بھی میڈیا سے گفتگو کی۔ انھوں نے فیڈریشن میں لڑائی جھگڑے بند کرنے کا مطالبہ کیا۔
میچ کے موقع پر قائد اعظم کی سالگرہ کا کیک بھی کاٹا گیا جبکہ ڈی جی اسپورٹس پنجاب ڈاکٹر آصف طفیل نے انعامات تقسیم کئے
