کراچی میں آئندہ عام انتخابات 2024 کے لیے پولنگ اسٹاف کی تربیت کا آغاز ہوگیا۔

الیکشن کمیشن کے مطابق پہلےمرحلےمیں پولنگ، اسسٹنٹ پریذائیڈنگ آفیسرز کو ٹریننگ دی جائے گی، یہ ٹریننگ ہاف ڈے صبح 10 بجے سے ایک بجے تک ہوگی۔

پریزائیڈنگ اور سینئراسسٹنٹ پریذائیڈنگ آفیسرز کو دو دن ٹریننگ دی جائےگی، ٹریننگ کا آغاز 13 جنوری 2024 سے ہوگا اور تربیت کا سیشن 15 جنوری 2024 کو ختم ہو جائے گا۔

الیکشن کمیشن کا کہنا ہے کہ کراچی میں پولنگ اسٹاف کو تربیت کمپری ہینسواسکول نارتھ ناظم آباد بلاک ایم میں دی جا رہی ہے۔

یہ بھی پڑھیں:

جانچ پڑتال جاری: مریم اورنگزیب اور حنا ربانی کے کاغذات نامزدگیمنظور

الیکشن کمیشن کا انتہائی حساس پولنگ اسٹیشنز پر سی سی ٹی وی کیمرے لگانےکا فیصلہ

واضح رہے کہ دارالحکومت اسلام آباد سمیت ملک بھر سے جنرل اور مخصوص نشستوں پر آج کاغذات نامزدگی کی جانچ پڑتال کا عمل جاری ہے۔