وفاقی دارالحکومت اسلام آباد اور پنجاب میں دھند نے ڈیرے ڈال لیے ہیں، جس کے نتیجے میں موٹر وے کئی مقامات سے بند کردی گئی، جبکہ جی ٹی روڈ پر بھی حد نگاہ صفر ہے۔

ترجمان موٹر وے پولیس کے مطابق دھند کے باعث لاہور اسلام آباد موٹر وے ایم ٹو ٹھوکر نیاز بیگ سے کوٹ سرور تک بند کردی گئی۔

موٹر وے ایم تھری فیض پور سے سمندری تک بند کردی گئی۔ موٹر وے ایم فور ملتان سے عبدالحکیم انٹرچینج تک بند کردی گئی، جبکہ ۔ موٹروے ایم 5 شیرشاہ سے اوچ شریف تک دھند کے باعث بند ہے، ملتان سکھر موٹروے ایم 5 دھند کے باعث بند ہے۔

موٹروے پولیس کے مطابق دھند کے باعث موٹروے ایم فائیو ظاہر پیر شیر شاہ تک بند ہے، شہری سفر کے دوران فوگ لائٹس استعمال کریں۔

شاہ کوٹ میں ٹریفک حادثہ

ریسکیو حکام کے مطابق شاہ کوٹ میں جی ٹی روڈ پر 2 موٹر سائیکل سوار دھند کے باعث ٹرک کے نیچے آ گئے۔

حادثہ کے نتیجے میں ایک شخص جاں بحق ہوگیا جبکہ دوسرا شدید زخمی ہوگیا۔ زخمی شخص کو ابتدائی طبی امداد کے بعد تحصیل اسپتال شاہ کوٹ منتقل کیا گیا۔