قومی ہیرو خلاباز سلطان النیادی امارات کی کابینہ کا حصہ بن گئے
متحدہ عرب امارات نے قومی ہیرو اور خلاباز سلطان النیادی کو نوجوانوں کے امور کا وزیر مقرر کیا ہے۔
یہ تقرر دبئی کے حکمران اور متحدہ عرب امارات کے نائب صدر و وزیر اعظم شیخ محمد بن راشد المکتوم کی منظوری سے کیا گیا ہے۔
گزستہ ستمبر سے نوجوانوں کے معاملات کی نگرانی کے لیے وزیر کی حیثیت سے تقرر کی خاطر موزوں ترین امیدوار کی تلاش جاری تھی۔ یو اے ای کے ہزاروں نوجوانوں نے اس منصب کے لیے درخواستیں دی تھیں۔
سلطان النیادی پہلے عرب خلاباز ہیں۔ انہوں نے گزشتہ سال خلا میں طویل ترین مشن مکمل کیا تھا۔
نوجوانوں کے امور کے وزیر کی حیثیت سے ذمہ داریاں نبھانے کے ساتھ ساتھ سلطان النیادی خلائی سانس سے متعلق اپنی سرگرمیاں بھی جاری رکھیں گے۔
42 سالہ سلطان النیادی نے بین الاقوامی خلائی اسٹیشن پر 186 دن گزارے تھے۔ اس دوران انہوں نے 200 سے زائد تجربے کیے۔ اب وہ یو اے ای سمیت عرب دنیا کے لیے ہیرو کا درجہ رکھتے ہیں۔