** تڑکے کا اہم جزو ’کڑی پتہ‘ نہ صرف کھانوں کو ذائقہ بخشتا ہے بلکہ یہ انسانی صحت کیلئے بھی ہر طرح سے مفید ہے۔**
کھانوں کو ذائقہ دینے کے علاوہ یہ انہیں مزیدار خوشبو بھی دیتا ہے۔ کڑی پتہ قدرتی طور پر ادویاتی خصوصیات سے بھی بھرپور ہے۔
کڑی پتے کو اپنی غذا میں شامل کرنے سے انسانی جسم خاصے فوائد حاصل کرسکتا ہے۔
اگر آپ کڑی پتہ کھانا پسند نہیں کرتے تو فوائد جان کر اسے ضرور اپنی غذا میں شامل کرلیں گے۔
کڑی پتہ وٹامن اے، بی اور سی جیسے ضروری غذائی اجزاء سے بھرپور ہوتا ہے۔ کڑی پتے کا استعمال بہت سے طبی مسائل سے لڑنے اور اچھی صحت کو برقرار رکھنے میں مدد کرتا ہے۔
کڑی پتے کو وزن میں کمی کیلئے ایک بہترین آپشن قرار دیا گیا ہے۔ ایک ماہ تک روزانہ نہار منہ کڑی پتے کی چائے پینا وزن کو تیزی سے کم کرسکتی ہے۔
اس کے علاوہ صبح 10 سے 15 عدد کچے پتوں کو کھانے کے بعد گرم پانی بھی پیا جاسکتا ہے۔
کڑی پتہ انسانی جسم کو مختلف قسم کے کینسر سے بچانے میں بھی بہت مفید ہیں۔ اس میں موجود فلیوونائڈز اینٹی کینسر خصوصیات سے بھرپور ہیں۔
کڑی پتے فائبر کی وافر مقدارپائی جاتی ہے، فائبر سے بھرپور غذا ذیابیطس کے مریضوں کے لیے فائدہ مند ہے۔
کڑی پتہ خون میں شکر کی سطح کو منظم کرتے ہوئے ان مریضوں کی صحت کو بہتر بناتا ہے۔
کڑی پتوں کو ڈائریا اور قبض جیسے مسائل کو فوری دور کرنے کیلئے استعمال کیا جاتا ہے۔ ان میں موجود الکلائیڈز جنہیں کاربازول کہا جاتا ہے اسہال پر قابو پانے میں مدد دیتے ہیں۔
کڑی پتے کو دالوں میں تڑکا لگانے کے علاوہ اسے اسموتھیز اور کھانوں میں بھی استعمال کیا جاسکتا ہے۔
