پاکستان شوبزانڈسٹری کے ناموراداکارومیزبان عمران اشرف نے اپنے ایک اقدام سے سوشل میڈیا صارفین کے دل جیت لیے۔
سوشل میڈیا پر عمران اشرف کی ایک ویڈیو وائرل ہورہی ہے جس میں انہیں شومیں موجود بچی کو ہاتھ لگانے سے قبل اجازت لیتے ہوئے دیکھا جاسکتا ہے۔
وائرل ویڈیوعمران اشرف کے شو کا ایک کلپ ہے، اسٹیج پربیٹھے اداکاراورمیزبان شرکاء میں بیٹھی بچی کو اپنے پاس بلا کر مائیک دیتے ہیں۔
وائرل کلپ کو اداکار نے اپنے انسٹا اکاؤنٹ پر بھی شیئر کیا ۔
منتشا نامی بچی کو اپنے پاس بٹھاتے ہوئے وہ بچی کے والدین سے اسے چھونے سے قبل اجازت طلب کرتے ہوئے کہتے ہیں کہ ’کیا میں چھو سکتا ہوں؟ اجازت ہے‘۔
بچی کے والدین کی اجازت کے بعد وہ بچی سے بات چیت کا سلسلہ جاری رکھتے ہیں۔ منتشا نے اداکار کیلئے ایک نظم بھی سنائی جس پر اداکار نے بچی کو خوب سراہا۔
اخلاقیات کے اس مظاہرے پر سوشل میڈیا صارفین کے علاوہ اداکار منیب بٹ، نادیہ حسن اور سدرہ بتول سمیت کئی شوبز شخصیات نے بھی عمران اشرف کو خوب سراہا۔
